"Ливерпуль" бош мураббийи Юрген Клопп Серхио Агуеронинг фаолиятини якунлаш ҳақидаги қарорига изоҳ берди.

"Агуэрога ҳамдардман. У ажойиб фаолият ўтказди. Унинг Премьер-лигага, футболга таъсири, менимча, ақл бовар қилмайдиган даражада эди. Мен уни шахс сифатида билмайман, лекин футболчи сифатида айтишим мумкинки, у менинг жамоамга қарши ўйнаган энг зўр футболчилардан бири”, — деди Клопп.

Қайд этиш жоиз, Агуэро "Манчестер Сити" таркибида "Ливерпуль" дарвозасига 7 та гол урган. Умуман олганда, аргентиналик футболчи “Сити”да 10 йил давомида 260 маротаба рақиблар дарвозасини ишғол қилган.