Angliya Premyer-ligasi klublari safida koronavirus infeksiyasi avj olgani sababli o‘yinlarni qoldirishda davom etmoqda. “Lester”da COVID-19 infeksiyasining ko‘payishi jamoaning payshanba oqshomida “Tottenxem”ga qarshi o‘yini qoldirilishiga olib keldi. Premyer-liga saytining qayd etishicha, “tulkilar”da o‘yinda ishtirok etish uchun yetarlicha futbolchi yo‘q.
Eslatib o‘tamiz, “Tottenxem”ning Angliya chempionatidagi uchinchi o‘yini qoldirildi. Avvalroq, “shporlar” koronavirus tufayli “Brayton”ga qarshi, yomon ob-havo tufayli “Byornli”ga qarshi o‘ynamagandi.