Англия Премьер-лигаси клублари сафида коронавирус инфекцияси авж олгани сабабли ўйинларни қолдиришда давом этмоқда. “Лестер”да COVID-19 инфекциясининг кўпайиши жамоанинг пайшанба оқшомида “Тоттенхэм”га қарши ўйини қолдирилишига олиб келди. Премьер-лига сайтининг қайд этишича, “тулкилар”да ўйинда иштирок этиш учун етарлича футболчи йўқ.
Эслатиб ўтамиз, “Тоттенхэм”нинг Англия чемпионатидаги учинчи ўйини қолдирилди. Аввалроқ, “шпорлар” коронавирус туфайли “Брайтон”га қарши, ёмон об-ҳаво туфайли “Бёрнли”га қарши ўйнамаганди.