“Manchester Yunayted” darvozaboni Din Xenderson qishki transfer oynasida jamoani tark etishga tayyor. Bu haqda taniqli jurnalist va insayder Fabrisio Romano o‘zining tvitter sahifasida ma’lum qildi. Unga ko‘ra, Xenderson ko‘proq o‘yin amaliyotini olishni istaydi. Aynan qachon ketishi takliflarga bog‘liq bo‘ladi. 

Shu bilan birga, Romanoning xabar berishicha, Din Xenderson “Ayaks” bilan muzokaralar olib bormayapti. Mish-mishlar allaqachon 24 yoshli darvozabonni Amsterdam klubiga bog‘lashni boshlagan.

2021/2022 yilgi mavsumda Din Xenderson “Manchester Yunayted”ning asosiy jamoasi safida bor yo‘g‘i ikkita o‘yin o‘tkazdi - biri Chempionlar ligasida va yana bittasi Angliya liga kubogida. Ularda darvozabon uchta gol o‘tkazib yubordi.