“Манчестер Юнайтед” дарвозабони Дин Хендерсон қишки трансфер ойнасида жамоани тарк этишга тайёр. Бу ҳақда таниқли журналист ва инсайдер Фабрицио Романо ўзининг твиттер саҳифасида маълум қилди. Унга кўра, Хендерсон кўпроқ ўйин амалиётини олишни истайди. Айнан қачон кетиши таклифларга боғлиқ бўлади. 

Шу билан бирга, Романонинг хабар беришича, Дин Хендерсон “Аякс” билан музокаралар олиб бормаяпти. Миш-мишлар аллақачон 24 ёшли дарвозабонни Амстердам клубига боғлашни бошлаган.

2021/2022 йилги мавсумда Дин Хендерсон “Манчестер Юнайтед”нинг асосий жамоаси сафида бор йўғи иккита ўйин ўтказди - бири Чемпионлар лигасида ва яна биттаси Англия лига кубогида. Уларда дарвозабон учта гол ўтказиб юборди.