Ma’lum bo‘lishicha, “Real” “Bavariya” vingeri Kingsli Komanga da’vogarlar qatoridan joy olgan. Aniqlik kiritib o‘tish joizki, fransiyalik futbolchi Myunxenni tark etmoqchi, chunki klub unga maoshini sezilarli darajada oshirishga tayyor emas.
“Diario” nashri tarqatgan xabarlarga ko‘ra, “Chelsi” va PSJ ham futbolchining talablarini qondirish niyatida. E’tiborlisi, Komanning ishtahasi ancha yuqori. U yiliga 20 million yevro maosh olishni istamoqda.
Bundan tashqari, potensial xaridor futbolchining transferi uchun taxminan 50 million yevro tayyorlashi kerak, chunki uning “Bavariya” bilan amaldagi mehnat shartnomasi 2023 yilning yozida yakuniga yetadi.
