Маълум бўлишича, “Реал” “Бавария” вингери Кингсли Команга даъвогарлар қаторидан жой олган. Аниқлик киритиб ўтиш жоизки, франциялик футболчи Мюнхенни тарк этмоқчи, чунки клуб унга маошини сезиларли даражада оширишга тайёр эмас.
“Diario” нашри тарқатган хабарларга кўра, “Челси” ва ПСЖ ҳам футболчининг талабларини қондириш ниятида. Эътиборлиси, Команнинг иштаҳаси анча юқори. У йилига 20 миллион евро маош олишни истамоқда.
Бундан ташқари, потенциал харидор футболчининг трансфери учун тахминан 50 миллион евро тайёрлаши керак, чунки унинг “Бавария” билан амалдаги меҳнат шартномаси 2023 йилнинг ёзида якунига етади.
