Toshkentda o‘tayotgan jahon chempionatida og‘ir atletikachilarimizning muvaffaqiyati davom etadi. Yigitlarimizdan so‘ng -87 kg vazn toifasida ishtirok etgan Tursunoy Jabborova 2ta medalni qo‘lga kiritdi.
Hamyurtimiz dast ko‘tarish mashqi bo‘yicha 113 kg bilan eng yuqori natija qayd etdi va oltin medalga sazovor bo‘ldi.
Tursunoy siltab ko‘tarish mashqida 131 kg. natija bilan 4-o‘rinni egalladi. Ammo ikki kurash natijasiga ko‘ra (244 kg.) Jabborova kumush medalga ega chiqdi.
Og‘ir atletika bo‘yicha jahon chempionati
Ayollar, 87 kg.
Dast ko‘tarish
1. Tursunoy Jabborova (O‘zbekiston) — 113 kg.
2. Anxseseg Monxjantsan (Mo‘g‘uliston) — 109 kg.
3. Amanda da Kosta (Braziliya) — 106 kg.
Siltab ko‘tarish:
1. Solfrid Koanda (Norvegiya) — 141 kg.
2. Anxseseg Monxjantsan (Mo‘g‘uliston) — 141 kg.
3. Dariya Axmerova (Rossiya) — 135 kg.
4. Tursunoy Jabborova (O‘zbekiston) — 131 kg.
Ikki kurash
1. Anxseseg Monxjantsan (Mo‘g‘uliston) — 109 + 141 = 250 kg.
2. Tursunoy Jabborova (O‘zbekiston) — 113 + 131 = 244 kg.
3. Solfrid Koanda (Norvegiya) — 103+141 = 244 kg.
