“Bavariya” himoyachisi Alfonso Devis jamoadoshi Robert Levandovski haqida gapirdi. Forvard bir kalendar yilida Bundesligada gol urish bo‘yicha rekord o‘rnatdi. Polyak 43 ta gol urib, 42 ta gol urgan Gerd Myullerdan ham o‘zib ketdi.
“Robert hozir dunyoning eng yaxshi hujumchisi. U o‘zining eng yuqori cho‘qqisida. Levandovski bilan bir jamoada o‘ynash juda zo‘r. Men uni to‘xtab qolmasligini va xuddi shu ruhda davom etishini istayman. Ishonchim komilki, u muvaffaqiyatga erishadi”, - deya kanadalikning so‘zlarini keltiradi Bundesliga matbuot xizmati.
Eslatib o‘tamiz, Levandovski 2021 yilgi “Oltin to‘p” uchun ovoz berishda ikkinchi o‘rinni egallagan edi.
