"Frans futbol" jurnali tomonidan "Oltin to‘p-2021" sovrini uchun o‘tkazilgan so‘rovnoma natijalarini tahlil qilamiz.
*** 26ta mamlakat vakili so‘rovda Robert Levandovskini hattoki, kuchli 5talikka ham kiritmadi: Saudiya Arabistoni, Bahrayn, Beliz, Butan, Boliviya, Braziliya, Kamerun, Gresiya, Grenada, Gvatemala, Kayman orollari, Iordaniya, Qozog‘iston, Qirg‘iziston, Lixtenshteyn, Shimoliy Makedoniya, Marokash, Mozambik, Ummon, O‘zbekiston, Falastin, Sent-Kits va Nevis, Sudan, Surinam, Turkmaniston, Yaman.
*** Lionel Messi Eritreya, Moldova, Vengriya va Gambiya vakillaridan birorta ovoz olmadi.
*** Braziliyalik jurnalist na Robert Levandovski va na Lionel Messiga ovoz berdi, boz ustiga, hamyurti Neymarni atigi 3-o‘rinda qayd etdi.
*** Aruba, Estoniya, Ozarbayjon, Portugaliya, Janubiy Sudan, Sent-Kits va Nevis vakillari N`Gole Kanteni 1-o‘ringa qo‘yishdi. Muhammad Saloh Falastin, Butan, Misr, Iordaniya va Yaman anketalarida 1-o‘rinni egallagan bo‘lsa, Islandiya va braziliyalik jurnalistlar Kevin de Bryuyneni e’tirof etishdi. Kilian Mbappe 1ta anketada 1-o‘ringa loyiq ko‘rildi - O‘zbekiston vakilinikida!
*** Atigi 1tadan anketada kuchli 5talikka kirgan futbolchilar: Nikolo Barella (Gvatemala), Jerar Moreno (Yaponiya), Ruben Diash (Nepal).
*** Krishtianu Ronaldu portugaliyalik jurnalist anketasidan joy olmadi. Makao, MAR, Kayman orollari, Qirg‘iziston, Mozambik, Turkiya va Niderlandiya uchun esa Krish hamon birinchi!
*** Atigi 2 nafar jurnalistning anketasi yakuniy 5talikka mutlaqo muvofiq keldi. Ya’ni Yangi Zelandiya va Vyetnam vakili kuchli beshlikni to‘g‘ri topdi: Lionel Messi, Robert Levandovski, Jorjinyo, Karim Benzema va N`Gole Kante.
*** Rossiya, Ukraina va Belarus vakillari Robert Levandovskini 1-o‘ringa qo‘yishdi.
*** Argentina Robert Levandovskiga ovoz bergani yo‘q, Polsha esa Lionel Messini 3-o‘ringa qo‘ydi.
A.AHMEDOV tayyorladi
