PSJ sport direktori Leonardo hujumchi Kilian Mbappening Parij klubidagi kelajagi haqida gapirdi.
"Mbappe - dunyoning eng yaxshi futbolchisi. Odamlar biz u bilan shartnomani yangilamoqchi bo‘lganimiz uchun shunday deyapti, deb o‘ylashadi, ammo bunday emas. Kilian o‘z yoshiga nisbatan nihoyatda yetuk futbolchi. Biz uning butun umrini PSJda o‘tkazishini istardik. Lekin biz uning ham fikrini hurmat qilishimiz kerak. O‘ylaymanki, bizda hali ham shartnomani uzaytirish uchun yaxshi imkoniyat bor", - dedi mutaxassis.
22 yoshli fransiyalik futbolchi joriy mavsumda 23 o‘yinda 13 ta gol urdi va 14 ta golli uzatmani amalga oshirdi.