ПСЖ спорт директори Леонардо ҳужумчи Килиан Мбаппенинг Париж клубидаги келажаги ҳақида гапирди.
"Мбаппе - дунёнинг энг яхши футболчиси. Одамлар биз у билан шартномани янгиламоқчи бўлганимиз учун шундай деяпти, деб ўйлашади, аммо бундай эмас. Килиан ўз ёшига нисбатан ниҳоятда етук футболчи. Биз унинг бутун умрини ПСЖда ўтказишини истардик. Лекин биз унинг ҳам фикрини ҳурмат қилишимиз керак. Ўйлайманки, бизда ҳали ҳам шартномани узайтириш учун яхши имконият бор", - деди мутахассис.
22 ёшли франциялик футболчи жорий мавсумда 23 ўйинда 13 та гол урди ва 14 та голли узатмани амалга оширди.
