“Manchester Yunayted” bosh murabbiyi Ralf Rangnik jamoasining kelajagi haqida hali bir qarorga kelmagan yarimhimoyachi Pol Pogba borasida bir qarorga keldi.
“Gazzetta dello Sport” nashri xabariga ko‘ra, nemis mutaxassisi futbolchining yangi shartnoma imzolamayotganidan xavotirda emas, aksincha fransuzni jamoadan ketishini istamoqda. Birinchi navbatda murabbiyga Pogbaning jarohatidan tiklanish jarayoniga munosabati yoqmadi. Ikkinchi jihat - uning agenti Mino Rayolaning manipulyasiyasi, u yarimhimoyachiga ko‘proq e’tibor qaratish va maosh talablarini oshirishga harakat qilmoqda.
Manbaga ko‘ra, Rangnik Pogba mavsumning ikkinchi yarmida yaxshi o‘yin ko‘rsatsagina, qarorini o‘zgartirishi mumkin. Aks holda, u klubda maslahatchi lavozimini egallaganida ham rahbariyatga fransuz bilan xayrlashishni maslahat beradi.
