“Манчестер Юнайтед” бош мураббийи Ральф Рангник жамоасининг келажаги ҳақида ҳали бир қарорга келмаган яримҳимоячи Поль Погба борасида бир қарорга келди.

“Gazzetta dello Sport” нашри хабарига кўра, немис мутахассиси футболчининг янги шартнома имзоламаётганидан хавотирда эмас, аксинча французни жамоадан кетишини истамоқда. Биринчи навбатда мураббийга Погбанинг жароҳатидан тикланиш жараёнига муносабати ёқмади. Иккинчи жиҳат - унинг агенти Мино Райоланинг манипуляцияси, у яримҳимоячига кўпроқ эътибор қаратиш ва маош талабларини оширишга ҳаракат қилмоқда.

Манбага кўра, Рангник Погба мавсумнинг иккинчи ярмида яхши ўйин кўрсатсагина, қарорини ўзгартириши мумкин. Акс ҳолда, у клубда маслаҳатчи лавозимини эгаллаганида ҳам раҳбариятга француз билан хайрлашишни маслаҳат беради.