«Anorlar»ning bir nechta futbolchisida koronavirus infeksiyasi qayd etilgan.

Italiya A Seriyasi navbatdagi turi doirasida «Salernitana» «Udineze» bilan safar o‘yiniga bormadi.

Klub matbuot xizmati xabariga ko‘ra, mahalliy sog‘liqni saqlash boshqarmasi jamoaga Udinega uchishni taqiqlagan.

«Salernitana» yana bir marta testdan o‘tdi. Qayd etilishicha, agar natija yana manfiy chiqadigan bo‘lsa, bahs qayta tiklanishi mumkin.

Ma’lumot uchun, A Seriyaning 19-turidan o‘rin olgan «Salernitana» - «Udineze» uchrashuvi 21 dekabr, seshanba kuni bo‘lib o‘tishi kerak.