"Chelsi" bosh murabbiyi Tomas Tuxel jamoa darvozaboni Kepa Arrisabalaga haqida fikr bildirdi. U darvozabonni yuqori baholadi:
"Kepa doimo oldinga intilgan va haqiqiy sportchi qanday bo‘lishi kerakligiga yaqqol misoldir. Men unga qoyil qolaman. Chunki maydonda va mashg‘ulotda u jonini berib harakat qiladi. Berilgan imkoniyatlardan esa maksimal foydalanadi. Shaxsan men unga murabbiylik qilayotganimdan juda xursandman. Ammo jamoamizda hali ham raqobat hukmron va u bilan bog‘liq vaziyat o‘zgarmagan".
Kepa yanvar oyida jamoani tark etish uchun asosiy nomzodlardan biri sanaladi. Unga "Lasio" jiddiy qiziqish bildirmoqda.
