Angliya Premyer-ligasi futbolchilarning 77 foizi koronavirusga qarshi vaksinaning 2ta dozasini qabul qilganini tasdiqladi. Umumiy futbolchilar miqdorining 84 foizi esa 1 martadan emlanishga ulgurgan.
Agar klub xodimlarini ham qo‘shib hisoblaydigan bo‘lsak, bu natija 92 foizgacha ko‘tariladi. Shuningdek, APL bundan buyon, yangi yildan boshlab, har oy yakunida vaksinasiya natijalarini ommaga e’lon qilib boradi.
Bunda futbolchilar va hodimlar emlanishga da’vat etiladi. Eslatib o‘tamiz, kecha APL klublari yig‘ilishida o‘yinlar davom ettirilishi haqida kelishib olingan edi.
