Англия Премьер-лигаси футболчиларнинг 77 фоизи коронавирусга қарши вакцинанинг 2та дозасини қабул қилганини тасдиқлади. Умумий футболчилар миқдорининг 84 фоизи эса 1 мартадан эмланишга улгурган.

Агар клуб ходимларини ҳам қўшиб ҳисоблайдиган бўлсак, бу натижа 92 фоизгача кўтарилади. Шунингдек, АПЛ бундан буён, янги йилдан бошлаб, ҳар ой якунида вакцинация натижаларини оммага эълон қилиб боради.

Бунда футболчилар ва ҳодимлар эмланишга даъват этилади. Эслатиб ўтамиз, кеча АПЛ клублари йиғилишида ўйинлар давом эттирилиши ҳақида келишиб олинган эди.