Ayni paytda Frasiyaning "PSJ" klubi kiyimxonasidagi muhit do‘stoni emas. L'Equipe nashrining tarqatgan ma’lumotiga qaraganda, bir nechta futbolchilar intizom nuqta’i-nazaridan o‘zlariga har qanday erkinlik va dam olishga imkoniyat yaratib olgan.

Masalan Neymar har doim ham o‘zini namunali tutmaydi. Ayniqsa, kuzning boshida braziliyalik futbolchi klub bosh homiysining tadbiriga ham kechikib kelgandi. O‘shanda unga nisbatan jazo tayinlamagan edi, chunki, klub rahbarlari bu ma’lumotni matbuotga chiqib ketishidan qo‘rqishgandi.

Shuningdek, jamoaning ikki nafar Janubiy amerikalik futbolchilari (nomlari ochiqlanmayapti) mashg‘ulotlarda ishtirok etishdan bosh tortishganiga ham guvoh bo‘lishdi.

"Oltin to‘p"ni qo‘lga kiritgan Lionel Messi esa o‘sha tadbirning ertasi kuni mashg‘ulotlarga chiqishdan bosh torgan. Mauro Ikardining Vanda Nara bilan munosabatlari atrofidagi vaziyat ham jamoani chetlab o‘tmadi.

Qolaversa, Donnarummaning Keylor Navas bilan munosabatlari yaxshi emasligi, parijliklarning ichki muhiti qanday ekanligini ko‘rsatib bermoqda.

Bularning barchasiga guvoh bo‘lib turgan himoyachi Presnel Kimpembe hattoki jamoasini o‘zgartirish haqida o‘ylay boshlaganligini bildirdi. So‘nggi ma’lumotlarga qaraganda, Kimpembe APL klublari bilan muzokara olib bormoqda. Uning parijliklar bilan amaldagi shartnomasi 2024 yilning yozida yakuniga yetadi.