"Manchester Yunayted"ning sobiq himoyachisi Mikael Silvestr "qizil iblislar" hujumchisi Krishtianu Ronalduning jamoaga ta’siri haqida gapirdi.

«Uni jamoa uchun muammo deb izohlash mutlaqo bema’nilik. Mavsum boshidan beri urilgan gollar va yaratilgan imkoniyatlar nisbatiga qarang.

U jamoaga yordam berishni, sovrinlarni qo‘lga kiritishni xohlaydi. U "Yunayted"ga nafaqaga chiqish oldidan dam olish uchun emas, balki avvalgi klublardagidan ham kattaroq vazifani uddalash uchun kelgan.

U "MYU"ni "Oltin to‘p", Premyer-liga g‘olibi va top futbolchi sifatida tark etgan. U jamoaga nima berishi mumkinligi haqida savollar berilishini bilar edi, lekin u yetakchi. U sardorlik bog‘ichini taqmaydi, lekin u jamoani boshqaradi va uning shu paytgacha qilgan barcha ishlarini ijobiy baholash mumkin», - deydi Silvestr.