«Barselona» bosh murabbiyi Xavi Ispaniya chempionatining 4-turi doirasida bo‘lib o‘tgan «Sevilya»ga qarshi o‘yin (1:1) borasida o‘z fikrini bildirib o‘tdi.

«Barsa» ikki ochko yo‘qotdi. Biz g‘alabaga haqli edik, bugun juda yaxshi o‘ynadik. Jamoa o‘sib bormoqda va ko‘p jihatdan yaxshiroq harakatlana boshladi.

Bugun omadimiz chopmadi. Gavining bosh bilan bergan zarbasi, Dembelening zarbasidan so‘ng to‘p ustunga tegib qaytdi... Strategik jihatdan «Sevilya» bizdan ustun. Hali rivojlanishimiz kerak bo‘lgan tomonlarimiz bor. Jamoa bilan faxrlanaman, ammo durang bilan emas.

Bu natija bizning foydamizga xizmat qilmaydi. Taassurotlar yaxshi, ammo bugun 3 ochkoni qo‘lga kiritishimiz kerak edi. Yangi yilda g‘alabali o‘yinlar o‘tkazishga harakat qilamiz», – dedi Xavi.