"Jenoa" sardori Domeniko Krishito "Griffinlar"ning yangi murabbiyi - Andrey Shevchenko bilan hamkorlik haqida gapirdi.

“Shevchenko o‘z g‘oyalarini keltirdi. Unga oson emas, chunki u Genuyaga qiyin damda kelgan. U bizni qalbimiz bilan o‘ynashimizni so‘raydi va biz ijobiy natijalarga erishish uchun hamma narsani qilamiz. “Atalanta” bilan yaxshi o‘yin o‘tkazdik deb o‘ylayman. Oldinda bizni qiyin yo‘l kutib turibdi, ammo biz A Seriyadagi o‘rnimzni saqlab qolishga qodir ekanligimizga ishonamiz”, — dedi Krishito DAZN nashriga bergan intervyusida.

Italiya chempionatida mavsumning 19 ta o‘yinidan so‘ng “Jenoa” B seriyaga tushib ketish zonasida bormoqda. Griffinliklar turnir jadvalida 18-o‘rinni egallab turishibdi.