"Женоа" сардори Доменико Кришито "Гриффинлар"нинг янги мураббийи - Андрей Шевченко билан ҳамкорлик ҳақида гапирди.
“Шевченко ўз ғояларини келтирди. Унга осон эмас, чунки у Генуяга қийин дамда келган. У бизни қалбимиз билан ўйнашимизни сўрайди ва биз ижобий натижаларга эришиш учун ҳамма нарсани қиламиз. “Аталанта” билан яхши ўйин ўтказдик деб ўйлайман. Олдинда бизни қийин йўл кутиб турибди, аммо биз А Сериядаги ўрнимзни сақлаб қолишга қодир эканлигимизга ишонамиз”, — деди Кришито DAZN нашрига берган интервьюсида.
Италия чемпионатида мавсумнинг 19 та ўйинидан сўнг “Женоа” Б серияга тушиб кетиш зонасида бормоқда. Гриффинликлар турнир жадвалида 18-ўринни эгаллаб туришибди.
