«Эвертон»нинг 24 ёшли ҳимоячиси Жерред Брэнтуэйт фаолиятини Мадриднинг «Реал» клубида давом эттириши мумкин. Бу ҳақда Goal хабар берди.

Манба маълумотига кўра, «Реал» англиялик марказий ҳимоячига қизиқиш билдирмоқда ва унинг трансфери учун тахминан 93 миллион евро таклиф қилиши мумкин.

Мадрид клубида жамоага яна бир марказий ҳимоячи керак, деб ҳисоблашмоқда.

Шу билан бирга, Брэнтуэйтга Англия Премьер-лигасининг бир нечта клуби ҳам қизиқиш билдирмоқда.

Жорий мавсум Англия чемпионатида ҳимоячи 4 та учрашувда майдонга тушди ва ҳозирча гол ёки голли узатма қайд этмади.

Transfermarkt портали Брэнтуэйтнинг бозор қийматини 40 миллион еврога баҳоламоқда.