Ispaniya La Ligasi rahbariyati Yevropada koronavirus bilan bog‘liq vaziyat yomonlashayotganligi sababli, yangi kovid-protokol ishlab chiqdi.
Yangi protokolga to‘rtta yangi band kiritildi. Unga ko‘ra, asosiy jamoaning besh nafar futbolchisi o‘yinga tayyor bo‘lsa, uchrashuv o‘tkazilishi ko‘rsatilgan.
Bundan tashqari, har bir futbolchi, murabbiylar va klub xodimlar antitanalar uchun kunlik test topshirishi shart. PSR tekshiruvlari esa har uch kunda topshirilishi belgilab qo‘yilgan.
Shuningdek, kiyim almashtirish va yuvinishni o‘yindan oldin va o‘yindan keyin har bir futbolchilar o‘z uylarida amalga oshirishadi.