Dortmundning "Borussiya" klubi norvegiyalik hujumchi Erling Xoland yozda jamoadan ketsa, uning o‘rniga klubga keladigan forvard qidira boshladi, deya xabar beradi "Bild".

Ma’lumotlarga ko‘ra, nemis klubi kot-d'ivuarlik Sebastan Aller (“Ayaks”) va chexiyalik Patrik Shik (“Bayer”)ga qiziqish bildirmoqda.

Joriy mavsumda 27 yoshli Aller “Ayaks” safida barcha turnirlar doirasida 23 ta o‘yin o‘tkazib, 20 ta gol urdi va 6 ta golli uzatmani amalga oshirdi. 25 yoshli Shik “Bayer” safida 18 ta o‘yinda maydonga tushib, 16 ta gol va 3 ta golli uzatmaga mualliflik qilgan.