Дортмунднинг "Боруссия" клуби норвегиялик ҳужумчи Эрлинг Холанд ёзда жамоадан кетса, унинг ўрнига клубга келадиган форвард қидира бошлади, дея хабар беради "Bild".

Маълумотларга кўра, немис клуби кот-д'ивуарлик Себастьан Аллер (“Аякс”) ва чехиялик Патрик Шик (“Байер”)га қизиқиш билдирмоқда.

Жорий мавсумда 27 ёшли Аллер “Аякс” сафида барча турнирлар доирасида 23 та ўйин ўтказиб, 20 та гол урди ва 6 та голли узатмани амалга оширди. 25 ёшли Шик “Байер” сафида 18 та ўйинда майдонга тушиб, 16 та гол ва 3 та голли узатмага муаллифлик қилган.