"Vest Xem" futbolchisi Manuel Lansini uchun xaridorlar ko‘payib qolgan. Xabarlarga ko‘ra, argentinalik hujum vakili "Aston Villa"dan taklif olgan. Unga shuningdek, "Everton", "Nyukasl" hamda "Lids" qiziqish bildirgan.

28 yoshli futbolchini mavsum boshida jamoadan ketishi bilan bog‘liq xabarlar tarqalgan edi. Ammo Devid Moyes uni jamoada olib qolishga qaror qildi. Lansini yanvar oyida ham sotilmaydi. Uning amaldagi bitimi 2023 yilda tugaydi. Lansini jamoasining so‘nggi uch o‘yinida asosiy tarkibda maydonga tushirilgan edi.