"Вест Хэм" футболчиси Мануэль Лансини учун харидорлар кўпайиб қолган. Хабарларга кўра, аргентиналик ҳужум вакили "Астон Вилла"дан таклиф олган. Унга шунингдек, "Эвертон", "Ньюкасл" ҳамда "Лидс" қизиқиш билдирган.
28 ёшли футболчини мавсум бошида жамоадан кетиши билан боғлиқ хабарлар тарқалган эди. Аммо Девид Мойес уни жамоада олиб қолишга қарор қилди. Лансини январь ойида ҳам сотилмайди. Унинг амалдаги битими 2023 йилда тугайди. Лансини жамоасининг сўнгги уч ўйинида асосий таркибда майдонга туширилган эди.