Xorvatiya klubi "NK Nehaj" futbolchisi olamdan o‘tdi. Gap shundaki, ushbu klubning 23 yoshli himoyachisi Marin Chachich jamoa mashg‘ulotlari chog‘ida xushidan ketgan.
23 dekabr kuni bo‘lgan voqeada futbolchiga yurak huruji tashxisi qo‘yilib shifoxonaga yuborilgan. Biroq ko‘rsatilgan yordamga qaramay, Chachich vafot etgan.
Eslatib o‘tamiz, Yevropa chempionatida ham Kristian Eriksen bilan shunga o‘xshash holat yuz bergan edi. Unda shifokorlarning tezkor harakati futbolchi hayotini qutqarib qolishga yetarli bo‘lgandi.
