Jurnalist va transferlar mutaxassisi Jeyms Pirs Filipe Koutinyo bilan bog‘liq xabarlarga izoh berdi. U yanvarda braziliyalikning "Liverpul"ga qaytishi haqida shunday deydi:
"Men bunday deb o‘ylamayman. Hattoki, "Barselona" uni tekinga bergan taqdirda ham, ijara asosida bo‘lsa ham Koutinyo "Enfild"ga bormaydi. Buning bir tomoni uning "Liverpul"ni yomon vaziyatda tashlab ketgani bilan bog‘liq. Jamoa shundoq ham yaxshi o‘ynayapti. Shu sabab Kloppga Koutinyo kerak emas. Umuman olganda, "Liverpul" yanvarda qandaydir futbolchi sotib oladi deb o‘ylamayman. Klopp usiz ham yaxshi eplaydi".
Eslatib o‘tamiz, Koutinyo uchun "Everton" hamda "Inter" qiziqish bildirgan.