Журналист ва трансферлар мутахассиси Жеймс Пирс Филипе Коутиньо билан боғлиқ хабарларга изоҳ берди. У январда бразилияликнинг "Ливерпуль"га қайтиши ҳақида шундай дейди:
"Мен бундай деб ўйламайман. Ҳаттоки, "Барселона" уни текинга берган тақдирда ҳам, ижара асосида бўлса ҳам Коутиньо "Энфилд"га бормайди. Бунинг бир томони унинг "Ливерпуль"ни ёмон вазиятда ташлаб кетгани билан боғлиқ. Жамоа шундоқ ҳам яхши ўйнаяпти. Шу сабаб Клоппга Коутиньо керак эмас. Умуман олганда, "Ливерпуль" январда қандайдир футболчи сотиб олади деб ўйламайман. Клопп усиз ҳам яхши эплайди".
Эслатиб ўтамиз, Коутиньо учун "Эвертон" ҳамда "Интер" қизиқиш билдирган.
