"Liverpul" futbolchilari jamoaviy mashg‘ulotlarga qaytdi. Xabarlarga ko‘ra, Virjil van Deyk, Kyurtis Jons hamda Fabinyo triosi safga qaytgan.
Ushbu futbolchilar koronavirus sabab jamoasining so‘nggi uchta bahsida maydonga tushmagan edi. Har uchchala futbolchi kecha "Liverpul" mashg‘ulotlar maydonida bayram qalpoqlarini kiyib olgan holda ko‘rinish bergan.
Shunga qaramay, jamoaning yana bir futbolchisi Tiago Alkantara hali izolasiyadan chiqmagan. Avvalroq mersisaydliklarning "Lids"ga qarshi bahsi qoldirilgani haqida xabar qilingan edi.