"Ливерпуль" футболчилари жамоавий машғулотларга қайтди. Хабарларга кўра, Виржил ван Дейк, Кюртис Жонс ҳамда Фабиньо триоси сафга қайтган.
Ушбу футболчилар коронавирус сабаб жамоасининг сўнгги учта баҳсида майдонга тушмаган эди. Ҳар уччала футболчи кеча "Ливерпуль" машғулотлар майдонида байрам қалпоқларини кийиб олган ҳолда кўриниш берган.
Шунга қарамай, жамоанинг яна бир футболчиси Тиаго Алкантара ҳали изолациядан чиқмаган. Аввалроқ мерсисайдликларнинг "Лидс"га қарши баҳси қолдирилгани ҳақида хабар қилинган эди.