Kataloniyaning “Barselona” klubi rahbariyati Turinning “Yuventus” klubi himoyachisi Mattias de Ligtni qo‘lga kiritishga harakat qilmoqda. “Ko‘k-anorranglilar” futbolchini qo‘lga kiritish yo‘lini topdi, deb xabar beradi “Fichajes” nnashri.
Moliyaviy qiyinchiliklarni boshidan kechirayotgan kataloniyaliklar de Ligtning transferini amalga oshira olmaydi va shuning uchun uni “keksa sinyora”ga futbolchi almashishni taklif qilmoqchi. “Barsa” gollandiyalik futbolchi uchun ikkita futbolchisini taklif qilishga tayyor. Gap Memfis Depay va Klement Lenge haqida ketmoqda.
Mattiasga kataloniyalik granddan tashqari Londonning “Tottenxem” va “Chelsi” klublari ham qiziqish bildirmoqda.
Transfermarkt portali himoyachining narxini 70 million yevroga baholamoqda. Uning shartnomasi 2024 yilgacha amal qiladi.
