Yakunlanayotgan 2021 yilda eng ko‘p daromad topgan 10 nafar futbolchi bilan tanishtirib o‘tamiz.

10-o‘rin. Eden Azar (30 yosh)
Klub: «Real Madrid»
Maoshi va bonuslar: $ 26 000 000
Reklama va tijoriy hamkorlik: $ 3 000 000

Azar transferi uchun 118 million dollar sarf etgan Madrid jamoasi bu ro‘yxatga yana bir futbolchini taqdim eta olgan. Edenning o‘zi esa maydonda jarohat olishdan bo‘sh vaqtlari MCDonald's brendi reklamalarida suratga tushadi.

9-o‘rin. Garet Beyl (32 yosh)
Klub: «Real Madrid»
Maoshi va bonuslar: $ 26 000 000
Reklama va tijoriy hamkorlik: $ 6 000 000

Uelslik futbolchi o‘zi bir vaqtlar ishlab topgan obro‘ va e’tibor evaziga hozirgacha deyarli futbol o‘ynamay pul topishi mumkin. Masalan, Beyl «Adidas» va «EA Sports» kabi brendlar yuzi hisoblanadi.

8-o‘rin. Pol Pogba (28 yosh)
Klub: «Manchester Yunayted»
Maoshi va bonuslar: $ 27 000 000
Reklama va tijoriy hamkorlik: $ 7 000 000

Pogba ham «Adidas» bilan qiymati 45 million yevro bo‘lgan 10 yillik shartnomaga ega.

7-o‘rin. Andres Inyesta (37 yosh)
Klub: Vissel Kobe
Maoshi va bonuslar: $ 31 000 000
Reklama va tijoriy hamkorlik: $ 4 000 000

Jahon futbolining eng mukammal yarim himoyachilaridan biri 2018 yildan buyon Yaponiyada va kamida 2023 yilgacha shu yerda qoladi.

6-o‘rin. Robert Levandovski (33 yosh)
Klub: «Bavariya»
Maoshi va bonuslar: $ 27 000 000
Reklama va tijoriy hamkorlik: $ 8 000 000

Leva yaqinda RL9 brendi nomi bilan o‘z kiyim-kechak brendini ochdi. Unda shuningdek «Nike» bilan shartnoma mavjud.

5-o‘rin. Muhammad Saloh (29 yosh)
Klub: «Liverpul»
Maoshi va bonuslar: $ 25 000 000
Reklama va tijoriy hamkorlik: $ 16 000 000

Muhammad Saloh o‘z vatani Misrning eng taniqli shaxsi hisoblanadi. Mahalliy va xorij brendlari uni o‘z ramzlariga aylantirish uchun tinmay muzokaralar o‘tkazib kelishadi.

4-o‘rin. Kilian Mbappe (22 yosh)
Klub: PSJ
Maoshi va bonuslar: $ 43 000 000
Reklama va tijoriy hamkorlik: $ 28 000 000

O‘z yoshiga nisbatan eng ko‘p gol muallifi bo‘lib turgan Mbappe yaqin vaqt ichida muhim tanlovni amalga oshirish kerak. Bu tanlov uni mazkur reytingda yuqorilatishi ham kutilmoqda.

3-o‘rin. Neymar (29 yosh)
Klub: PSJ
Maoshi va bonuslar: $ 75 000 000
Reklama va tijoriy hamkorlik: $ 20 000 000

Braziliyalik futbolchi nafaqat maydonda, balki uning tashqarisida ham juda mashhur. Uni «Facebook», «Twitter» va «Instagram» orqali 300 million odam kuzatadi.

2-o‘rin. Lionel Messi (34 yosh)
Klub: PSJ
Maoshi va bonuslar: $ 75 000 000
Reklama va tijoriy hamkorlik: $ 35 000 000

«Barselona»ni ko‘z yoshlar bilan tark etgan Messi Parijda hozircha muammo sezmayapti. Balki starti kutilganidek bo‘lmayotgandir. Ammo, aniq ishonish mumkin-ki, hali Leo barchasini eski tempga olib chiqadi.

1-o‘rin. Krishtianu Ronaldu (36 yosh)
Klub: «Manchester Yunayted»
Maoshi va bonuslar: $ 70 000 000
Reklama va tijoriy hamkorlik: $ 55 000 000

Krishtianu Ronaldu maydondagi rekordlardan tashqari, moliyaviy jabhada ham tarixga kirmoqda. Yaqindagina u faoliyati mobaynida jami ishlab topgan mablag‘lari qiymatini 1 milliard dollarga yetkazdi. Bu bir futbolchi uchun unikal hodisadir.