Londonning "Chelsi" klubi bosh murabbiyi Tomas Tuxel koronavirusning yangi to‘lqini APL klublarining holati haqida fikr bildirdi.

"Biz ham hamma bilan bir xil vaziyatdamiz. Biz xavotirdamiz, nafaqat futbolchilar yoki murabbiylar, balki, otalar xam xavotirda va barchamizning oilamiz bor. Shuning uchun xavotirdamiz, shubhalarimiz, qo‘rquvlarimiz bor. Shunga qaramay, biz o‘z ishimizni bajarishimiz va o‘zimiz uchun eng yaxshi ko‘rgan ishimiz bilan shug‘ullanish baxtiga egamiz, shu sababli, biz ikki o‘t orasidamiz. Jamoamning ishidan mamnunman.

Koronavirus sabab oxrgi uch kun ichida 7 ta holat bilan "Vulverxempton" bilan o‘yinda qiyin vaziyatga tushib qolganimizni juda yaxshi bilasizlar. Bizda epidemiya borligini his qildik va biz u bilan kurashish uchun vaqt topmoqchi edik. Biroq, bizga bu borada imkon berishmadi va biz taslim bo‘ldik. Biz bir-birimizni qo‘llab-quvvatlashga harakat qildik.

Faqat shuni aytishim mumkinki, bunday vaziyatda besh nafar futbolchini almashtirishga ruxsat berishlarini talab qilmoqchiman, chunki, koronavirus paydo bo‘lganida va hayotimizni qiyinlashtirganda futbolchilarni asrash uchun beshta futbolchi almashtirishni tadbiq qilishgandi. O‘ylaymanki, hozir vaziyat juda qiyin. Agar biz o‘ynashda davom etishga qaror qilgan bo‘lsak, unda bu juda katta sinov va besh nafar futbolchi almashtirish ortiqcha yuklarni nazorat qilishimizga yordam beradi", — dedi Tuxel The Independent bilan suhbatda.