Angliyaning «Manchester Siti» himoyachisi Joau Kanselu bu mavsumda ham himoyada, ham hujumda chiroyli o‘yin namoyish etib, angliyalik muxlislarni hayron qoldirmoqda.

«Odamlar mening kiritgan gollarim, golli uzatmalarim va statistikam bo‘yicha ko‘p gapirishadi. Men statistikaga umuman qaramayman. O‘tgan mavsum ham yaxshi o‘tgandi, lekin bu mavsumda men biroz yaxshilangan ko‘rsatkichga ega bo‘lyapman. Kimlargadir statistika qiziqligini tushunaman, ammo shunday futbolchilar ham borki, ularning statistikalari natijalariga ta’sir ko‘rsatmaydi. Men ham doim raqamlar o‘yin sifatini o‘zgartirmaydi degan fikrdaman», - Kanseluning so‘zlaridan iqtibos keltirmoqda Manchester Evening News.