"Manchester Siti" futbolchisi Ferran Torres "Barselona"ga o‘tishi haqida xabar qilgan edik. Mashhur transferlar mutaxassisi Fabrisio Romano hujumchi haqida yangiliklarni ulashdi.

Unga ko‘ra, ispaniyalik vinger "Barselona" bazasida bugun, dushanba kuni tibbiy ko‘riklardan o‘tgan. Har ikki tomon Ferran borasida allaqachon kelishuvga erishgan va bitim rasman e’lon qilinishiga hamma narsa tayyor.

21 yoshli futbolchi so‘nggi oylarda oyog‘idagi jiddiy jarohat sabab maydonda emasdi. U hozirda Valensiya shahrida individual mashg‘ulot o‘tkaza boshlagan. Bu haqida Ferran o‘z sahifasida post joylagan edi.