"PSJ" yarim himoyachisi Jorjinyo Veynaldumni yanvar oyida "Nyukasl Yunayted"ga ijaraga berishi mumkin, deya xabar beradi LÉquipe nashri.

Manbaga ko‘ra, ingliz klubi yarim himoyachini mavsum oxirigacha ijaraga olmoqchi. "PSJ" o‘z navbatida futbolchini faqat to‘liq sotilgan taqdirdagina qo‘yib yuborishga tayyor.

31 yoshli Veynaldum 2021 yilning yozida "PSJ"ga erkin agent sifatida klubga qo‘shilgan edi. Avvalroq futbolchi Fransiyadagi o‘yin vaqtidan norozi ekani, shu bois u o‘zining eng yaxshi o‘yinini ko‘rsatgan Premyer-ligaga qaytishni o‘ylayotgani haqida xabar berilgandi.

2015/2016 yilgi mavsumda futbolchi "Nyukasl"da o‘ynagan, shundan so‘ng "Liverpul"ga o‘tgan.

Veynaldum joriy mavsumda barcha turnirlarda 22 ta o‘yinda maydonga tushib, 3 ta gol va assistentlik qilgan. Jorjinyoning shartnomasi 2024 yilgacha amal qiladi, Transfermarkt futbolchini 25 million yevroga baholamoqda.