"ПСЖ" ярим ҳимоячиси Жоржиньо Вейналдумни январь ойида "Ньюкасл Юнайтед"га ижарага бериши мумкин, дея хабар беради LÉquipe нашри.
Манбага кўра, инглиз клуби ярим ҳимоячини мавсум охиригача ижарага олмоқчи. "ПСЖ" ўз навбатида футболчини фақат тўлиқ сотилган тақдирдагина қўйиб юборишга тайёр.
31 ёшли Вейналдум 2021 йилнинг ёзида "ПСЖ"га эркин агент сифатида клубга қўшилган эди. Аввалроқ футболчи Франсиядаги ўйин вақтидан норози экани, шу боис у ўзининг энг яхши ўйинини кўрсатган Премьер-лигага қайтишни ўйлаётгани ҳақида хабар берилганди.
2015/2016 йилги мавсумда футболчи "Ньюкасл"да ўйнаган, шундан сўнг "Ливерпуль"га ўтган.
Вейналдум жорий мавсумда барча турнирларда 22 та ўйинда майдонга тушиб, 3 та гол ва ассистентлик қилган. Жоржиньонинг шартномаси 2024 йилгача амал қилади, Трансфермаркт футболчини 25 миллион еврога баҳоламоқда.
