"Torino" hujumchisi Andrea Belotti yozgi transfer oynasida klubini o‘zgartirishi mumkin. Futbolchi "buqalar" bilan shartnomani uzaytirish borasida kelisha olmayapti va faoliyatini davom ettirish uchun bir qator variantlar mavjud, deb xabar beradi Calciomercato.
Manbaga ko‘ra, Belottiga "Milan", "Inter", "Napoli", "Atalanta" va "Fiorentina" klublari qiziqish bildirmoqda. Bu klublarning har biri Andreani tekinga qo‘lga kiritish imkoniyatidan foydalanmoqchi.
28 yoshli Belotti 2015 yilning yozidan buyon "Torino"da o‘ynamoqda. Joriy mavsumda italiyalik hujumchi ichki chempionatning 9 o‘yinida ikkita gol urdi va golli uzatmani amalga oshirdi. Transfermarkt futbolchini 35 million yevroga baholamoqda.2021 yil yozida Belotti terma jamoa safida Yevropa chempioni bo‘ldi. “Torino” Italiya A seriyasining 19-turida 25 ochko jamg‘argan va turnir jadvalida 11-o‘rinda bormoqda.
