"Торино" ҳужумчиси Андреа Белотти ёзги трансфер ойнасида клубини ўзгартириши мумкин. Футболчи "буқалар" билан шартномани узайтириш борасида келиша олмаяпти ва фаолиятини давом эттириш учун бир қатор вариантлар мавжуд, деб хабар беради Cаlciоmеrcаtо.

Манбага кўра, Белоттига "Милан", "Интер", "Наполи", "Аталанта" ва "Фиорентина" клублари қизиқиш билдирмоқда. Бу клубларнинг ҳар бири Андреани текинга қўлга киритиш имкониятидан фойдаланмоқчи.

28 ёшли Белотти 2015 йилнинг ёзидан буён "Торино"да ўйнамоқда. Жорий мавсумда италиялик ҳужумчи ички чемпионатнинг 9 ўйинида иккита гол урди ва голли узатмани амалга оширди. Трансфермаркт футболчини 35 миллион еврога баҳоламоқда.2021 йил ёзида Белотти терма жамоа сафида Европа чемпиони бўлди. “Торино” Италия А сериясининг 19-турида 25 очко жамғарган ва турнир жадвалида 11-ўринда бормоқда.