Uxxxx. Sal qolishiga sal qoldi. Abdusattorov yana bitta o‘ta qiyin uchrashuv o‘tkazdi. Hindistonlik Gukesh Dommarajuga qarshi 19-yurishda Nodirbek qo‘pol xatoga yo‘l qo‘ydi va undan keyin juda qiyin vaziyatga tushib qoldi. Hatto 23-yurishdagi xatodan keyin kompyuter dasturlari oqlarning 100 foizlik g‘alabasini baholadi.

Ammo qandaydir mo‘jiza sababli Nodirbek mag‘lubiyatdan qutilib qoldi. Agar futbol tilida aytadigan bo‘lsak, 6:0 hisobida yutqazayotgan jamoa uchrashuvning so‘nggi daqiqalarida kambek qilib, ketma-ket 6 ta gol urganga o‘xshaydi.

Xullas, nima bo‘lsa ham Nodirbek 12 ta o‘yindan keyin 9 ochko to‘pladi. So‘nggi tur oldidan 4 sportchining ochkolari tenglashdi: Abdusattorov, Nepomnyashchiy, Karlsen va Karuana.

Atigi bitta o‘yin qoldi. Oxirgi 13-tur. Shundan so‘ng jahon chempioni nomi ma’lum bo‘ladi.

Nodirbekning oxirgi raqibi birozdan so‘ng ma’lum bo‘ladi. Bizni kuzatishda davom eting. Abdusattorovni duo qilib turing.