APLning 20-turida “Manchester Siti” o‘z maydonida “Brentford”ni mag‘lub etdi (1:0).
Pep Gvardiola shogirdlari chempionatdagi ketma-ket 10 g‘alabasini qo‘lga kiritdi. Oxirgi to‘rt turda “shaharliklar” jami 18 ta gol urgan bo‘lsa, o‘z darvozasidan atigi 3 tasini o‘tkazib yuborgan.
"Shaharliklar" Pep Gvardiola qo‘l ostida to‘rtinchi bor APLda ketma-ket 10 g‘alabali seriyani nishonlashdi.
Ta’kidlash lozimki, Premyer liga tarixida Gvardioladan boshqa hech bir murabbiy ikkitadan ortiq bunday seriya qayd eta olmagan.
