"Liverpul" bosh murabbiyi Yurgen Klopp jamoada koronavirus tarqalishi bilan bog‘liq vaziyat haqida gapirdi.

"Bizda jamoada uchta yangi infeksiya bor va xodimlar orasida yana bir nechta", dedi germaniyalik mutaxassis.

Klopp, shuningdek, "Chelsi" bilan o‘yinni boshqa vaqtga ko‘chirish kerakligi haqida o‘z fikrlari bilan o‘rtoqlashdi.

“Bizda hech qachon 10-15-20 futbolchi yuqtirgan haqiqiy epidemiya bo‘lmagan. Bizning holatlarimizda, ehtimol, har kuni yangi kasallanganlik holati sodir bo‘layotgan edi, endi bu yana ham ko‘paydi.

Kovid testi lotereyaga o‘xshaydi - siz u yerda turib, natijani kutasiz. Yigitlar jamoa bazasida  emas, shuning uchun kutishimiz kerak. Ayni paytda, ehtimol [o‘yinni boshqa vaqtga ko‘chirish] kerak emas. Ammo biz bir necha soatdan keyin vaziyat qanday bo‘lishini bilmaymiz”, - dedi “Liverpul” ustozi.

Klopp kasallangan futbolchilarning ismlarini oshkor qilmadi. Mersisaydlik OAVlarda takidlanishicha, kechagi mashg‘ulotda darvozabon Alisson va hujumchi Roberto Firmino bo‘lmagan. Payshanba kuni ertalab ularda virus aniqlangan bo‘lishi mumkin. Uchinchi yuqtirganlar haqida ma’lumot yo‘q.

2 yanvar kuni “Liverpul” APLning 21-turi doirasida “Chelsi”ga qarshi bahs olib boradi.