Kataloniyaning "Barselona" klubi prezidenti Joan Laporta o‘zining "Twitter"dagi rasmiy sahifasi orqali jamoa muxlislariga murojaat yo‘lladi.
- Biz yangi yo‘ldan yurishni boshladik. Klubda katta o‘zgarishlar ro‘y berdi, jumladan murabbiylar shtabi ham yangilandi. Tarkibimizda Gavi, Niko va ko‘plab iqtidorli futbolchilar bor. Yangi yildan boshlab asta-sekin yuqoriga ko‘tarilishni rejalashtirganmiz. Biz La Masiyadagi iqtidorli futbolchilardan iborat yosh jamoani tuzmoqchimiz. Ularga yordam berish maqsadida jamoaga yangi futbolchilarni ham taklif qilamiz. 2022 yilda "Barselona"ni klub tarixidagi eng muhim loyiha - "Espai Barca" kutib turibdi. Bu "Kamp Nou"ni global rekonstruksiya qilishni anglatadi, shuningdek, klubning barcha infratuzilmasini yaxshilaydi. Klubning moliyaviy ahvolini tiklash uchun qattiq mehnat qilamiz. "Barselona" boshqa klublar uchun yana o‘rnak bo‘lishi kerak, - dedi Laporta.