Londonning "Arsenal" klubi bosh murabbiyi Mikel Arteta" APL doirasida "Manchester Siti" jamoasiga qarshi bo‘ladigan o‘yin haqidagi fikrlari bilan o‘rtoqlashdi.

"Bugun o‘zimni ancha yaxshi his qilyapman. Bir-ikki kun og‘ir bo‘ldi, lekin, avval ham COVID-19 bilan kasallanganim yordam berdi. Shu sababli, kasallik u darajada yomon o‘tkazmadim. Jamoa menga qaraganda juda yaxshi holatda ekanligi aniq. Barcha futbolchilardan test olindi va kasallik chalingan futbolchilar yo‘q. Biz hozir imkon qadar barcha futbolchilar bilan ko‘proq muloqot qilishga harakat qilyapmiz. Men ularga yuz foiz ishonaman.

Men hozirgi "Manchester Siti" bilan men ketgan paytdagisini solishtira olmayman, chunki bu butunlay boshqa jamoa. Ular o‘yinning har bir bosqichida mukammallikka erishishga harakat qilishmoqda va ular ancha birlashib oldilar. Ular ancha yaxshilanib bormoqda, buni ularning natijasidan ham bilish mumkin.

Jamoani Albert Stuyvenberg boshqarib turadi. Chunki, hali menga zahira o‘rindig‘ida o‘tirishimga ruxsat berilmadi. Biz aloqada bo‘lib turamiz, lekin men unga o‘yin borasida o‘z fikrlarini amalda isbotlashiga erkinlik bermoqchiman. Men jamoani qo‘llab-quvvatlash va kerakli paytda yordam berish uchun stadionda bo‘laman" — dedi Arteta.