Лондоннинг "Арсенал" клуби бош мураббийи Микель Артета" АПЛ доирасида "Манчестер Сити" жамоасига қарши бўладиган ўйин ҳақидаги фикрлари билан ўртоқлашди.

"Бугун ўзимни анча яхши ҳис қиляпман. Бир-икки кун оғир бўлди, лекин, аввал ҳам COVID-19 билан касалланганим ёрдам берди. Шу сабабли, касаллик у даражада ёмон ўтказмадим. Жамоа менга қараганда жуда яхши ҳолатда эканлиги аниқ. Барча футболчилардан тест олинди ва касаллик чалинган футболчилар йўқ. Биз ҳозир имкон қадар барча футболчилар билан кўпроқ мулоқот қилишга ҳаракат қиляпмиз. Мен уларга юз фоиз ишонаман.

Мен ҳозирги "Манчестер Сити" билан мен кетган пайтдагисини солиштира олмайман, чунки бу бутунлай бошқа жамоа. Улар ўйиннинг ҳар бир босқичида мукаммалликка эришишга ҳаракат қилишмоқда ва улар анча бирлашиб олдилар. Улар анча яхшиланиб бормоқда, буни уларнинг натижасидан ҳам билиш мумкин.

Жамоани Альберт Стуйвенберг бошқариб туради. Чунки, ҳали менга заҳира ўриндиғида ўтиришимга рухсат берилмади. Биз алоқада бўлиб турамиз, лекин мен унга ўйин борасида ўз фикрларини амалда исботлашига эркинлик бермоқчиман. Мен жамоани қўллаб-қувватлаш ва керакли пайтда ёрдам бериш учун стадионда бўламан" — деди Артета.