“Atletiko” klubidan ijaraga olingan “Yuventus” hujumchisi Alvaro Morata faoliyatini “Barselona”da davom ettirmoqchi. Ispaniya klubi bosh murabbiyi Xavi futbolchi bilan doimo qo‘ng‘iroq orqali gaplashib turadi. Bu haqda jurnalist Fabrisio Romano Twitterda xabar berdi.

"Yuventus" yozda 29 yoshli Moratani 40 million yevroga sotib olish variantini faollashtirmaydi, ammo o‘rniga futbolchi topilmaguncha, yanvar oyida ispaniyalik hujumchini qo‘yib yuborishga tayyor emas.

Morata joriy mavsum A Seriya va Chempionlar ligasining 23 ta o‘yinida 7 ta gol urdi va 3 ta golli uzatmani amalga oshirdi.